|
Hráefni: 1 bolli Bankabygg
1 tsk fennilfræ
1/2 tsk anisfræ
1 msk ólífuolía
2 tsk sjávarsalt
1/4 bolli currants
7 heilir negulnaglar eða 1/4 tsk negulduft
börkur af 1 appelsínu
2 1/4 bollar soðið vatn
2 msk skrældur og vel saxaður engifer
2 bollar rifnar rófur
1 1/2 bolli saxað sellerí
3 msk ristuð sesamfræ Aðferð:
Skolið byggið og ristið á pönnu eða í ofni við 170°C í 10-15 mín, hrærið vel í á meðan. Stráið síðan fennil og anisfræum yfir, ristið áfram í 2 mín og setjið síðan í pott. Blandið þá saman við 1 tsk ólífuolíu, salti og currants. Ef notaður er heill negull þá er gott að stinga honum í börkinn og bæta útí pottinn. Hellið sjóðandi vatni yfir og hrærið. Látið suðuna koma upp, lækkið hitann og setjið lokið á. Sjóðið áfram í 45 mín eða þar til allt vatnið er soðið upp og takið þá appelsínubörkinn upp úr.
Steikið grænmetið í olíunni á pönnu, byrjið á engifernum síðan rófunum og loks sellerí. Leyfið þessu að mýkjast og bætið þá sesamfræjunum útí. Blandið að lokum grænmetinu og bygginu saman og skreytið með sesamfræum.
|
